
14 June 2009
VOA
အခု ရက်ပိုင်းအတွင်း ထိုင်းမြန်မာ နယ်စပ်မှာ မြန်မာ စစ်တပ်နဲ့ သူ့ရဲ့ မဟာမိတ် တပ်တွေက ကရင်တိုင်းရင်းသားတွေ အပေါ် ထိုးစစ်ဆင် တိုက်ခိုက်နေမှုတွေနဲ့ ပတ်သက်ပြီး ဥရောပ သမဂ္ဂ ရဲ့ စိတ်ပူ စိုးရိမ်အကြောင်း ဇွန်လ ၁၁ရက်နေ့က ပြောဆိုလိုက်တဲ့အပေါ် မြန်မာ စစ်အစိုးရက လက်မခံ ပယ်ချလိုက်ပါတယ်။ ဒီတိုက်ခိုက်မှုတွေကြောင့် ကရင် ဒုက္ခသည် ၃၀၀၀ ထက် မနည်း အိမ်နီးချင်း ထိုင်းနိုင်ငံဘက်ကို ထွက်ပြေးခိုလှုံစေတာနဲ့ ပတ်သက်ပြီး ဥရောပ သမဂ္ဂ က စိတ်ပူကြောင်း ကြေညာချက် ထုတ်ပြန်ခဲ့တာပါ။ အီးယူရဲ့ စိတ်ပူမှုတွေ ဟာ အကြောင်းမဲ့ သက်သက်သာ ဖြစ်ပြီး၊ တိကျ ခိုင်လှုံမှု မရှိတဲ့ အချက်အလက်တွေအပေါ် အခြေခံပြီး နိုင်ငံရေး အရ ထိုးနှက်ရာ ဦးတည်ချက်နဲ့ အီးယူ ဘက်က ကြေညာချက် ထုတ်ပြန်ခဲ့တယ်လို့ မြန်မာ နိုင်ငံခြားရေး ၀န်ကြီးဌာနက ကြေညာချက် တစောင် ထုတ်ပြန်လိုက်ပြီး ဒီနေ့ထုတ် စစ်အစိုးရ သတင်းစာမှာ ဖော်ပြထားပါတယ်။
Read more: http://www.voanews.com/burmese/2009-06-14-voa4.cfm
No comments:
Post a Comment