27 March 2009
ဒီကနေ့ မတ်လ ၂၇ ရက်နေ့ဟာ မြန်မာနိုင်ငံရဲ့ ၆၄ နှစ်မြောက်
တော်လှန်ရေးနေ့ ဒါမှမဟုတ် တပ်မတော်နေ့ ဖြစ်ပါတယ်။ ပြည်သူတွေကို
ကာကွယ်ဖို့အတွက် ဗိုလ်ချုပ်အောင်ဆန်း တည်ထောင်ခဲ့တဲ့ တပ်မတော်အပေါ်
တချိန်က ပြည်သူလူထုရဲ့ ချစ်ခင်လေးစားမှု ရခဲ့ပေမယ့် ဒီနေ့ဒီအချိန်မှာတော့
ပြည်သူနဲ့ တပ်မတော်ကြားမှာ ယုံကြည်မှုအလှမ်းဟာ အတော်လေးကွာနေပြီလို့
ပြောနိုင်ပါတယ်။ ဒီတော့ နှစ်ဖက် လေးစားချစ်ခင်မှု အပြန်အလှန်ပြန်ရဖို့
အခြေအနေ ရှိပါသေးရဲ့လား၊ ဘယ်လိုမျိုးလုပ်နိုင်မလဲဆိုတာကို မစုမြတ်မွန်
က သုံးသပ်တင်ပြပေးထားပါတယ်။
မြန်မာ့လွတ်လပ်ရေးအတွက် ဖက်ဆစ်ဂျပန်ကို စတင်တော်လှန်တိုက်ခိုက်ခဲ့
တဲ့နေ့ကိုအစွဲပြုပြီး ဖြစ်လာခဲ့တဲ့ တော်လှန်ရေးနေ့ရောက်တိုင်း မြန်မာနိုင်ငံမှာ
တပ်မတော်သားတွေကို မိဘပြည်သူတွေက ပန်း၊ ရေချမ်းနဲ့ ဂုဏ်ပြုလာခဲ့ကြတဲ့
အစဉ်အလာဟာဒီကနေ့မှာ မှေးမှိန်လုနီးပါး ဖြစ်နေပါပြီ။ ပြည်သူ့ရန် ကာကွယ်
ပေးမယ်ဆိုတဲ့တပ်မတော်အပေါ် ပြည်သူတွေရဲ့ ချစ်ခင်လေးစားမှုတွေဟာလည်း
တနေ့တခြားနည်းလာပြီလို့ သုံးသပ်သူတွေက ပြောနေကြပါတယ်။ ဒီတော့
တပ်မတော်နဲ့ပြည်သူအလှမ်းကွာသွားစေတဲ့ အဓိကအကြောင်းတွေက
ဘာတွေပါလဲ၊ လူ့ဘောင်သစ်ဒီမိုကရက်တစ်ပါတီရဲ့ ဒု-ဥက္ကဋ္ဌ ကိုယဉ်ထွေးက
အခုလိုသုံးသပ်ပါတယ်။
“အဓိကအကြောင်းကတော့ စစ်တပ်က နိုင်ငံရေးကိစ္စ၊ ပြည်သူလူထုရဲ့
အရေးကိစ္စတွေထဲမှာ တရားမဲ့ဝင်ရောက်ခဲ့ခြင်းဟာ အဓိကအကြောင်းပဲလို့
ကျနော်တော့ ထင်ပါတယ်။တကယ်တမ်းဝင်ခဲ့တာတော့ ၁၉၆၂ ခုနှစ်ကတည်း
ကပေါ့။ အဲဒီအချိန်တုန်းက ရှိနေတဲ့အနေအထားက ဝေးတော့ဝေးသွားတယ်၊
သိပ်မသိသာသေးဘူး။ ရှစ်လေးလုံးအရေးတော်ပုံရဲ့ အစပိုင်းကာလတွေမှာ
ကြည့်မယ်ဆိုရင်တောင်မှပဲ ပြည်သူလူထုကလမ်းလျှောက်ရင်းနဲ့တောင်
စစ်သားတွေ တွေ့လို့ရှိရင် ပြည်သူ့စစ်သား ဒို့စစ်သားဆိုပြီးအော်ခဲ့ဟစ်ခဲ့တာ
တွေ ရှိပါတယ်။ အဲဒီအချိန်အထိ ပြည်သူလူထုထဲမှာ စစ်တပ်က ငါတို့ဘက်
မှာရှိနိုင်တယ်၊ ငါတို့နဲ့ တသားတည်းရှိနိုင်တယ်ဆိုတဲ့ မျှော်လင့်ချက် တကယ်
ကိုရှိခဲ့ကြပါတယ်။
“ရှစ်လေးလုံးအရေးတော်ပုံကြီးမှာ စစ်တပ်က တရားလက်လွတ် အနိုင်ကျင့်
ပြီး ဖြိုခွဲလိုက်တဲ့ကိစ္စမှာ တော်တော်ထင်ရှားတဲ့ ဝေးကွာစေမှုကြီးလို့
ကျနော်ထင်ပါတယ်။အခုနောက်ဆုံးဖြစ်ခဲ့တဲ့ သံဃာ့အရေးတော်ပုံလို
ဟာမျိုးမှာတော့ နဂိုက ပင်လယ်လောက်ခြားနေတာ အခုတော့ သမုဒ္ဒရာ
လောက်ခြားသလို ဖြစ်သွားပါတယ်။”
ဒီတော့ တချိန်ကလို ပြည်သူတွေရဲ့ ချစ်ခင်လေးစားမှု ပြန်ရဖို့ တပ်မတော်
ဘက်ကဘယ်လောက်ပြန်ပြီး လုပ်ရမှာပါလဲ၊ လက်ရှိ စစ်တပ်ဘက်ကရော
ပြည်သူတွေရဲ့လေးစားထောက်ခံမှုကို အရေးတယူ ရှိပါရဲ့လား၊ မြန်မာနိုင်ငံ
မျိုးချစ်စစ်သည်ဟောင်းများ အစည်းအရုံး ဥက္ကဋ္ဌ ဦးခင်မောင်ညွန့်ကတော့ …
“အမှန်ကတော့ ရှိပါတယ်။ ဘာဖြစ်လို့လဲဆိုတော့ ၁၉၉၀ ရွေးကောက်ပွဲမှာပဲ
ပြည်သူတွေ ဘယ်လိုခံစားတယ်၊ ပြည်သူတွေရဲ့ စိတ်ဓာတ်အခြေအနေ
ဘယ်လိုရှိတယ်၊ပြည်သူတွေ ဘယ်သူ့ကို ထောက်ခံအားပေးတယ်ဆိုတာ
တပ်ထဲကလူတွေ သိပါတယ်။သိတဲ့အတွက်လည်း ၁၉၉၀ ရွေးကောက်ပွဲမှာ
ရော၊ ၁၉၆၀ ရွေးကောက်ပွဲမှာရောတပ်တွင်းအင်အားစု တော်တော်များများ
ဟာ သူတို့ လွတ်လွတ်လပ်လပ် ရွေးချယ်ဆုံးဖြတ်နိုင်ခွင့် ရခဲ့တဲ့အတွက်
ပြည်သူဘက်ကပဲ ရပ်နေတာပဲ။”
လက်ရှိအနေအထားကိုကြည့်ရင် ပြည်သူတွေရဲ့ စစ်တပ်အပေါ်ထားတဲ့
အမြင်တွေ၊သဘောထားတွေဟာ ရွှေဝါရောင် သံဃာ့လှုပ်ရှားမှုဖြစ်ပြီး
နောက်ပိုင်းမှာ နာကြည်းတဲ့အနေအထားမျိုးတောင် ရောက်သွားခဲ့တယ်
ဆိုတော့ ပြည်သူနဲ့ တပ်မတော် အပြန်အလှန် ယုံကြည်မှု ပြန်ရအောင်လုပ်ဖို့
လက်တွေ့မှာ လွယ်နိုင်ပါ့မလား။
“ဒီဟာကတော့ တပ်ထဲမှာရှိနေတဲ့ပုဂ္ဂိုလ်တွေ တိုင်းပြည်မျက်နှာကိုပဲကြည့်
မယ်၊ဘယ်သူ့မျက်နှာမှ မကြည့်ဘူး၊ တပ်မတော်ရဲ့ နေရာမှန်ကို ပြန်ရောက်
အောင်သွားချင်တဲ့ ပုဂ္ဂိုလ်တွေက သူတို့ရဲ့လုပ်ဆောင်မှုအပေါ်မှာပဲ
မူတည်တယ်။ သူတို့လုပ်ရတာလည်းတော်တော်တော့ ခက်ခဲမှာပဲ။ ဘာဖြစ်လို့
လဲဆိုတော့ အခုအချိန်ထိက ကြမ်းကြမ်းတမ်းတမ်း သတ်ဖြတ်ထားတဲ့ကိစ္စတွေ၊
မတရားဖမ်းဆီး နှိပ်စက်ညှဉ်းပန်းတာတွေ၊တရားခံ အကုန်လုံးက တပ်မတော်
အပေါ်မှာပဲ လက်ညှိုးထိုးရမယ့် အနေအထားရောက်နေတယ်ဆိုတော့ ပြည်သူ
ကို ပြန်ချဉ်းကပ်ပြီး လုပ်လို့ရှိရင်တော့ ဖြစ်နိုင်တဲ့အနေအထားမှာ ဖြစ်ပါတယ်။”
“တကယ်တမ်းလုပ်မယ်ဆို ရင်တော့ သိပ်အများကြီး လုပ်စရာတော့ မလိုပါဘူး။
အဓိကလုပ်ရမှာကတော့ လက်ရှိစစ်ခေါင်းဆောင်တွေအနေနဲ့ အဲဒီလို အရမ်းကို
ဝေးကွာနေပြီ၊ဝေးကွာခြင်းဟာလည်း အမုန်းတရားတွေနဲ့ ဝေးကွာနေတာ
ဖြစ်တယ်၊ အဲဒါကလည်းမကောင်းတဲ့အနေအထားတခု ဖြစ်တယ်၊ အဲဒါ ငါတို့
စစ်တပ်မှာ အဓိကတာဝန်ရှိတယ်ဆိုတာကို မြင်ဖို့လိုပါတယ်။ အဲဒီအမြင်ရှိပြီး
ကောင်းတာကိုလုပ်မယ်ဆိုရင်တော့သိပ်အများကြီး၊ အကြီးကြီးလုပ်စရာတော့
မလိုပါဘူး။ စစ်တပ်က စစ်တပ်အလုပ်ကိုလုပ်ပြီး ပြည်သူလူထုနဲ့ဆိုင်တဲ့ ကိစ္စတွေ
ကို ပြည်သူလူထုကိုယ်တိုင် ဆုံးဖြတ်လုပ်ကိုင်ခွင့်ရှိသွားတဲ့အနေအထား
ဖြစ်လာရင်တော့ နီးစပ်စရာ အခြေအနေက အလွယ်တကူဖြစ်လာမယ်၊
မြန်မယ်လို့ ကျနော်ထင်ပါတယ်။”
“ပြည်သူမငြိုငြင်မယ့်ဟာမျိုး၊ ပြည်သူနဲ့တပ်မတော် နီးနီးကပ်ကပ်ဖြစ်နိုင်မယ့်
ဟာမျိုးကြိုးစားပြီးတော့ သိမ်သိမ်မွေ့မွေ့နဲ့ လှုပ်ရှားရမယ်။ ပြောဆိုရမယ်၊
ပြည်သူကိုချဉ်းကပ်ရမယ်။ ဒါဆိုရင် ပြည်သူက အလိုအလျောက် နားလည်
သဘောပေါက်လာမယ်လို့ကျနော်တို့ ယုံကြည်ပါတယ်။”
မြန်မာနိုင်ငံ မျိုးချစ်စစ်သည်ဟောင်းများ အစည်းအရုံး ဥက္ကဋ္ဌ
ဦးခင်မောင်ညွန့်နဲ့လူ့ဘောင်သစ် ဒီမိုကရက်တစ်ပါတီရဲ့ ဒု-ဥက္ကဋ္ဌ
ကိုယဉ်ထွေးတို့က သုံးသပ်ပြသွားတာဖြစ်ပါတယ်။ သူတို့ပြောသွားတဲ့အတိုင်း
လက်တွေ့ဖြစ်လာပြီး တပ်မတော်အပေါ် ပြည်သူရဲ့ လေးစားချစ်ခင်မှု
ပြန်ရနိုင်ဖို့က အချိန်တော်တော်ယူလိမ့်မယ်လို့ ပြောရပါလိမ့်မယ်။
Source: VOA
No comments:
Post a Comment